Iran lawng ten Britain lawng tuialhthei phur chu Gulf bulah tih khawtlai a tum a, Britain lawng sipai, Royal Navy Ship ten Iran lawng hi an umlet tih Defence Ministry in a sawi.

0
46
views

Defence Ministry thupuangtu sawidanin, Iran lawng pathum leh Britain lawng tuialhthei phur, British Heritage inkarah hian HMS Montrose chu tlazepin, Iran lawngte hi inthiar fihlim turin a vau a, hemi hnu hian an insaseng ta a ni. Defence Ministry thupuangtu chuan Iran lawng te chet dan chu International law kalh a ni a ti a, Iran hian a lawng pakhat man anih thuah chet let ve a tum thu lo sawi tawh mahse, tuna thil thleng hi Britain lawng man tumna a ni lo niin a sawi thung.

Iran Islamic Revolution Guard Corps IRGC lawng nia hriatte hian tuialhthei phur British Heritage hi Gulf a\anga Strait of Hormuz a pan mek laiin lo tih din an tum a ni.

Britain indo lawng, HMS Montrose hian tuialhthei phur lawng hi a veng zui a, Iran lawng te hian insaseng tura vauna chu zawma an insaseng zui avangin silai hmehpuah a ni ta lo a ni.

Iran erawh chuan darkar 24 liamta chhungin hetianga inepna ang chi hi engmah a thleng lo niin a sawi thung a, Iran foreign minister Mohammad Javad Zarif chuan boruak tih san tumna mai a ni a ti.

Britain tuialhthei phur lawng pahnih, June thla-a beih anih chungchangah Britain hian Iran chu a mawhphurtuah ngaiin, an inkar boruak hi a \ha lo chho hle a, hapta liamta khan British Royal Marines chuan Iran tuialhthei phur lawng pakhat UE hrekna dinglai bawhchhia-a Syria pan tur mannaah Gibaltar thuneitute an pui a, Iran chuan lawng hi chhuah anih loh chuan chet let ve a tum thu a lo sawi tawh a, Iran hian an rama British palai pawh insawifiah tura hriattirin, Iran lawng man a nih dan chu lawng suamhmang te chet dan ang a ni a ti.