Indo lawng lian, USS Arlington hian tui leh khawmuala kal thei lirthei leh indo thlawhna te a phur a, Gulf-a inkhuar mek indo thlawhna phurtu lawnglian USS Abraham Lincoln chu tuna lawnglian tirh chhuah leh tak hian a belhchhah dawn a, hetihrual hian thlawhna bomb thlak chi, B-52 bomber te pawh Qatar-a US sipaite inkulhnaah an thleng tawh tih Pentagon chuan a sawi. US in tuna indo lawng lian a tirh chhuah hi Patriot Missile System tia sawi a ni a, hei hian ballistic missile, cruise missile leh indo tlawhna te a beilet thei a ni.
Helai biala US sipai inkulhna te Iran-in a beih thulh-a beilet thei turin heng ralthuamte hi thawn luh a ni tih US chuan a sawi a, Iran chuan hetianga chet tuma puhna hi a pha thung a, Tehran hian US in a sipaite a chhek dan chu invauzam tumna a ni a ti.
US sipai 5,200 vel zet chu tunah hian Irag ah an la awm mek bawk.
