Iraq sipaiten Hawijah bial an awp fel

0
687
views

Baghdad hmar lama ISIS mi firfiak pawl la inkulh mekte laka Iraq sipaiten thla hmasaa beihpui an thlakna kal zelah, Hawijah bial chu vawiin khan hlawhtling takin an awp fel tih sipai thupuangtuten an sawi. He beihpui thlak meka hotu, Lt Gen Abdul Amir Yarallah chuan Hawijah khawpui chhungah hian an sipaite an luh tawh thu leh khawpui daia IS sipai tangkhang tlem an la awm tih loh chu, helai bial hi an la fela an inngaih tawh thu a sawi a ni. Hawijah beihpui hi thla hmasa ni 21-a thlak \an kha a ni a, helai bialah hian civil mi 78,000 vel chu IS mi firfiak pawlte avang hian tlanchhe thei loin an awm niin UN chuan a lo sawi tawh a ni. Iraq sipaite hian IS mi firfiak pawlte lakah hian hlawhtling hle mah se, hmun hrang hrangah khawpui tenau eng emaw zat an la awp a, Syria leh Iraq ramte inrina hrulah pawh an la tam hle nia hriat a ni.