ISIS te thuthlung zawmtu nia hriat, ramchhung hmun hrang hranga firfiaka chet tuma puh mi pathumte chu Delhi Court in Jail-a awm rih turin an chungthu a rel.

0
592
views

An hruaitu bera puh bakah midang pasarih te hi hmun hrang hranga bomb tihpuah tuma puhin Police ten an man a, beih an tum hmunte hi Politician te chenna bakah sorkar hmun pawimawh, Delhi leh ram chhung hmun hrang hranga mite a ni a, Court in Jail-a a thawnte hi kum 20 mi Zubair Malik, kum 23 mi Rashid Zafar Raq leh kum 24 mi Anas Yunus te an ni a, Court chuan February ni 6 thleng Jail-a awm rih turin a ti a ni.

Hemi hmalam hian Special Judge Rakesh Syal chuan midang panga te pawh Jail-ah a lo thawn tawh bawk a, midang pahnihte chu thu zawhfiah tura NIA ten an kawl rih a phalsak a ni. Heng mite hi December ni 26 khan, NIA, Delhi Police leh Uttar Pradesh Anti Terrorism Squad \angho te chuan an man a, NIA chuan an thil dapchhuahnaah tualchher rocket launcher pakhat, thihchilh bomb tipuaktute bomb paina ang kawrchung siamna hmanrua, pistol 12 leh a mu \hahnem tak bakah bomb kamna atana hman tur alarm clock engemawzat an man tih an sawi.