Israel leh Saudi Arabia a rukin indawr thin

Iran chungchanga buaina thleng mek karah, Israel Energy Minister, Yuval Steinitz chuan nimin khan Israel leh Saudi Arabia chu a rukin an indawr \hin niin a sawi a, hemi chungchangah hian rinhlelhna tam tak lo awm tawh \hin mah se, tun hi sorkar mi pawimawhin a sawi chhuah vawi khatna a ni a, Saudi Arabia sorkar chuan he thilah hian a ngaihdan a la sawi lo a ni. Israel leh Saudi Arabia tan chuan Iran hi Middle East-a ram hnawksak leh hlauhawm anga sawi \hin a ni a, tun hnaia Iran leh Saudi sorkar inkara buaina inlumlet mek avangin Saudi Arabia leh Israel hi an thawh dun ring pawh an awm nual nia hriat a ni bawk a, mahse Saudi Arabia chuan Israel a thawhpui dawn chuan kum 1967-a Middle East indonaa Israel-in Arab ram a lak tawh chu a chhuahsan phawt a ngai dawn niin a sawi a ni. Israel Minister, Steinitz sawi danin, Israel sorkar chuan Muslim leh Arab ram eng emaw zat rukin a dawr \hin a, amaherawhchu an inthlun zawmna hi Israel-in zep lem l;o mah se, Arab ramte hian thup an duh vangin a rukin an indawr ta a ni.