Italy-a Ischia thliarkarah lir a nghing

0
394
views

Nizan khan Italy rama thliarkar pakhat, Ischia chu lirnghingin a sawi a, mi pakhat a thi a, in chimin mi engemawzat a delh bawk a, an zingah hian naupang engemawzat an tel nia thu dawn a ni. Lirnghin hun hi an ram sanaa zan dar 9 vel, zanriah ei hun lai a ni a, a nat zawng hi richter scale-a 3.6 nia sawi a ni a, 4 nia sawi a ni bawk a, km. 5 vel chauha thuk atanga nghing tan a nih avangin, a nghawng hi a na niin an sawi. US Geological Survey leh European-Mediterranean Seismological Center chuan Italy rama lirnghing hi 4.3 lai niin an sawi a, km. 10 vela thuk atanga nghing tan niin an sawi bawk. Rizzoli hospital-a doctor pakhat chuan, he lirnghinga hliam, mi 26 an enkawl niin a sawi a, mahse an na vak lo hlawm niin a sawi.