Italy sorkar chuan helai hmunah hian lawng dah a khap a, amaherawhchu, he lawng hian Zirtawp zanlai khan helai hmun hi a thleng a ni. Carola Rackete-in phalna nei lova lawng chawlhna luh a tum chu coastguard ten lo dangin rei fe an inhnial buai a, Police ten an man ta a ni.
He lawng hian Libya tuipui kama tangkhang pemkual \hin mi 53 te chu tun thla ni 12 khan chhanchhuakin a phur a, Italy thuneituten an zinga mi 13 te chu an hriselna dinhmun enfiah turin an la a ni.
Japan-a G20 summit-a kal Italy Prime Minister, Giuseppe Conte chuan Europe ram hrang hrang te chuan lawnga phurh mi 40 la bang te chu lak an remti tih a sawi a, hetihlai hian Italy thuneituten heng mite hi engtin nge an tih dawn tih erawh hriatchian theih a ni rih lo a ni.
