Italy ramah tangrual sorkar thar a piang

Italy ramah thla khat chhung zet sorkar mumal a din theih tawh loh hnuin \angrual sorkar thar a piang ta a, Prime Minister designate Giuseppe Conte chuan minister turte hming President Sergio Mattarella hnenah a thehlut a ni. Mattarella hian a tira economy minister ni tura Conte’a rawt chu a pawm lo a, a hnuah inremna an nei thei ta a, Giovanni Tria chu Economy Minister ah dah a ni ta a ni. Italy ramah hian politics buaina hi a chhuak zing hle a, Indopui pahnihna hnu lamah pawh sorkar 64 zet an nei tawh a ni. May ni 28 khan Conte hian Cabinet minister turte hming President hnenah a thehlut a, economy minister atana a rawt, Savona chu President hian a pawm thei lo a, party pahnih, Five Star leh the League \angdunte chu an lungawi lo hle a, Preident Mattarella paihthla turin Parliament ah an thlen a, hetihlai inremna an nei thei ta a, Cabinet Minister thar turte hming an pekluh leh chu President hian a pawm ta a ni.