Jaish-e-Mohammed hotulu Masood Azhar-a a thi tih social media-a thuthang chu a dik loh thu sawiin Pakistan-a Jaish pawlte’n a la dam tih an puang.

0
615
views

IAF te’n Balakot-a Jaish-e-Mohammed te inkhuarna hmun an beihnaah a thi tih chu Jaish pawl te’n thu dik lo a nih thu an puang a ni.

Azhar-a hi kal na avanga thla engemawzat chhung enkawlna a dawnna, Rawalpindi-a sipai damdawi in a\angin Pakistan sipaite chuan Bahawalpur-a Goth Ghanni-a Jaish inkhuarna camp-ah Pathianni khan an sawn chhuak a, sawn a nih hnu hian Jaish pawlte chuan India leh ram dangte nawrna avanga, an ram mi te laka khauh taka che-ah Imran Khan-a kaihhruai Paikistan sorkar chu puhin an lungawi loh thu an sawi a ni.

CRPF te an beihnaa sipai 40 nunna an lak hnu khan Azhar-a veng tur hian Pakistan Special Service Group commando 10 ruat an ni.

Pathianni-a an thupuan-ah Jaish te chuan Azhar hi a dam\hat thu an sawi a, Balkot-a an inkhuarna chu IAF te’n an bei tih an pawm bawk a, thi leh hliam erawh an awm lo niin an sawi a, an pawlte chu harsatna tawk tura inpeih turin an chah bawk a ni.

Pakistan Foreign Minister Shah Mehmood Qureshi erawh chuan Masood Azhar hi a chenna in chhuahsan thei lo khawpin a hriselna a tlahniam niin a sawi thung a, courta thu tling zo tur, finfiahna chiang tak India in a pek theih hma chuan Masood Azhar-a lakah hian Pakistan sorkar chuan hma a la ngawt thei lo niin a sawi thung.

India, France, US leh UK te \anghovin UN Security Council-a Jaish-e-Mohammed hotu khuahkhirh tura rawtna an siam hnuah Azhar a thih thu hi a thang a, hei hi mi te rilru hruaikawi tumna nia ngaih a ni.