Leh-a Press Club Journalist te’n tualchhung election officer hnenah lehkha thehlutin BJP party an puhna hi an thlen a, CCTV thlalak pawh an tlangzarh bawk a, video-ah hian BJP MP Vikram Randhawa chuan party state unit hotu Ravinder Raina awm ve laiin journalist te envelope a pe lai tih lan a ni. BJP chuan heng puhna te hi phain Raina hian journalist te hi Denfence Minister Nirmala Sithraman-i vantlang inkhawm buatsaiha tel tura sawmna a pek thu sawiin heng journalist te lakah hian thubuai an thehluh tur thu an sawi a ni.
Journalist pakhat Rinchen Angmo chuan BJP hotu hian amah leh journalist dang 3 te envelope hi a pek thu a sawi a, a chhungah cheng 500 note tam tham tak a awm thu leh he thamna a lak duh loh avang hian dawhkan-a a dah let thu a sawi a ni. BJP hotu pakhat chuan mi tham hi an tih ngai loh thu leh journalist te an zah thu a sawi a ni.
