Japan in tuilian leh leimin vanga chhiatna nasa tak a tawh mekah chhanchhuah hna thawktuten mipuite hnena tui pekna siam\ha leh turin beihpui an thlak mek a, tun chhiatna an tawh hi kum 36 kalta chhunga a nasa ber a ni a, mi 200 chuang an thih phah a ni

Hapta kalta maia tuilian in a tih buai mipuite chuan chirh rimchhe tak leh nisa rum rut mai an hmachhawn leh mek a, khua a lum chhovin celcius degree 30 chuang a kai chho a, Kurashiki khawpuiah chuan mi nuai 2 chuangin hapta khat aia rei tui in tur an nei mumal tawh lo a ni. Chhatian tuar nasa zual District \henkhatah chuan tui supply hi a pangngaia pek \an a ni leh tawh a, hetihrual hian engtikah nge mipui nawlpuiin a pangngaia tui an dawn leh theih ang tih chu hriat lawk theih a la ni rih lo tih thuneitute chuan an sawi. Sipai sing 7 chuang, Police leh kang\helh pawl ten tuilian leh leiminin thil a tih chhiat siam\ha leh tur hian beihpui an thlak mek a, thuneitute chuan nunna chan an chhinchhiah zat chu 204 anih thu leh mi engemawzat chin hriat lova an la awm thu an sawi. Chief Cabinet Secretary Yoshihide Suga chuan mipuite chu ni sa laka fimkhur tur leh ruah sur leh mai thei laka inralring turin a hrilh a ni.