Japan parliament rorelnaah pianphunga rualbanlo MLA pahnih an tel.

0
448
views

MLA pahnih, Yasuhiko Funago leh Eiko Kimura te hi zeng an ni a, midang \anpuina tel lo chuan an che thei lo a ni.

Parliament-a an tel theihna turin rorelna sang zawkin rem a ruat sak a ni. Parliament-a an vawikhat \hutna turah hian a bika an kalna tur siam sakin anmahni thlawptuten an lo lawm a ni.

Yasuhiko Funago hia amyotrophic lateral sclerosis natna vanga zeng a ni a, mi a biak nan khawl a hmang a ni. Funago chuan Parliament-a a tel thei tur chuan a ti hamhaih nasa hle tih a sawi a, a landanah chak loh hmel mah se midangte aiin a chhel a ngai a, chhel tur pawhin theihtawp a chhuah tih a sawi bawk.

Eiko Kimura hian cerebral palsy a vei vangin a kut dinglam tih loh a taksa dang zawng a zeng vek a ni.

Eiko Kimura leh Yasuhiko Funago te hian lemchan thiam, Taro Yamamoto-a din Reiwa Shinsengumi party an zawm a, July thlaa inthlannaah khan Reiwa Shinsengumi party hian seat hnih la-in Yamamoto chu thlantlin nimahse, roreltu pawlin a duhsak zawngte chanpual a sem theihna dan hnuaiah Funago leh Kimura te tan seat an zuah sak a ni.