America mi Jeff Koons-a milim siam “Rabbit” hi thir tuiek thei lo, stainless steel hmanga siam, sazupui balloon hampuar lim a ni a, kum 1989-a a siam tawh, inches 41-a sang a ni a, S.I Newhouse neitu boral ta, Conde Nast-a art collection zing ami a ni. Nilaini khan New York-a Chritie’s ah lilam a ni a, a hralhna man hi dollar mtd 80-a ni a, commission leh fee te nen belhkhawmin dollar mtd 91.1 a tling a ni.
Koons-a hian he hmun hi a hmain a lo awh tawh \hin a, a milim siam “Balloon Dog(Orange)” chu kum 2013 khan dollar mtd 58.4-a hralhin kum 5 chhung themthiamna hmanga thil siamchhuah man to ber nihna a lo hauh tawh a ni. “Rabbit” hian David Hockney-a “Portrait of an Artist(Pool with Two Figures)” dollar mtd 90.3-a hralh chu a khum leh chiah a ni.
