Jammu and Kashmir, Line of Control leh ramri bul hnaia inkahna chuan zual lam a pan zel a, nizan lamah Pakistan sipaiten India lam hawia laipui an kah avangin civil mi pakhat a thi a, midang pathum an hliam bawk. Ningani kalta atanga Pakistan sipaite silai hmehpuah avang hian mi 12 an thi tawh a, an zinga 7 chu Civil mi an ni a, Pakistan rangers te hian Kanachak, Arnia, RS Pura leh Pargwal bialte chu nizan dar 8.30 vel khan an kap nasa hle tih Police te chuan an sawi. BSF lam chuan Pakistan Sipaite silai leh laipui kah an chhanletna lamah hian Pakistan Rangers thahnem tak an thi ve bawk niin an sawi. LOC hnaih zual leh Ramri hnaih zual lai, Pakistan lamin an kah uarna laia zirna in te chu vawiin khan khar vek a ni. Inkahna avang hian mi sang tel tam takin an chenna in rauhsanin hmun him lam an pan tawh a ni.
Chanchin Thar J&K-ah inkap chhunzawm zel, mi 4 thi leh
