J&K-ah inkap leh, civil mi 2 thi

0
522
views

J&K-a ramri hrula inkahna a la tawp thei lo a, tukin khan Pora leh Arnia sector-ah civil mi pakhat ve ve kahhlum an ni a, BSF sipai pathum an hliam bawk. India sipai leh Pakistan sipaite hi ni li an inkap tawh a, civil mi 5 telin mi 8 an thi tawh a, mi 35 an hliam tawh a, ramri hnaiha khaw hrang hranga cheng mi 9,000 vel chu hmun him zawka thiarchhuah mek an ni. Inkahna thleng chungchang hi State Assembly-ah eptu pawlte chuan sawi chhuakin, Pakistan chungchanga NDA kaihhruai sorkar laipui kalphung chu a hlawhchham nia an hriat thu an sawi a, civil mi thah an ni fo ti tawp thei lo-ah BJP leh RSS te chu an puh a, house atangin an chhuak tau a ni. Inkahna tihtawp dan tur sawidun turin BSF leh Pakistan Rangers te chuan thawhtanni hian inbiak an tum nia hriat a ni.