Kaladan Multi Modal Transit Transport Project kawngin a tihchhiat ram neitute zangnadawmna pek turah thil chingchivet tam tak a awm avangin vawiin a\ang khan Anti Corruption Bureau ACB in a hmunah an zirchiang \an.

0
458
views

KMMTTP ram neitute zangnadawmna pek tur chungchang hi ACB hian hun engemawchen kalta a\ang khan a lo chhui tawh a, a hmunah thil awmdan dik tak enfiah turin Spot Verification hi bul\an leh a ni. Case IO ACB Addl. SP Pu Jerome Lalmuankima chuan zonet zawhna chhangin Pass dik lo leh a lem a awm em tih te, zangnadawmna in dil thuah a awm em tih te chu an endik tur langsar zual a nih thu a sawi a, ram endik hna hi ACB, Lawngtlai Bawrhsap office, LADC-a Revenue Dept leh PWD aiawhte an thawk a ni.

Lawngtlai bawrhsap chuan tunhnai khan Spot Verification neih a nih tur thu hi puangin, ramneitu hming 288 chuanna lehkha a tichhuak a, vawiina endik tura ruahmanlawk, Lawngtlai leh Paitharlui inkar, Kilometres 25 vel ah ramneitu, an ram zawn a lo ding mi paruk chiah an awm a, an tlem chhan hi Lawngtlai District Land Owners Association ten, Spot Verification neih hi \ul tawh lova ngaia an dodal vang a ni.