Kamalanagar-ah MNF in kawng zawh

0
618
views

Kamalanagar MNF District Hqrs-in Chakma Autonomous District Council-a harsatna hrang hrang thleng mek duh loh lantir nan vawiin khan Kamalanagar-ah kawng an zawh a. MNF District Hqrs President, Pu Rasik Mohan Chakma chuan, Congress Party chu mipui harsatna ngaihthahah puhin, kum kaw kal ta chhung khan CADC huam chhungah Sub-Divisional Administration leh Rural Development Block Office chu Officer pakhat chauhin an \hut chilh niin a sawi a, Sub-Divisional Office phei chu khar ngai hial khawpin hna thawk lovin a awm niin a sawi. Pu Rasik Mohan Chakma chuan, Congress sorkar hnuaiah CADC huam chhung chauh ni lo, Mizoram hmun hrang hrangah kawngpui a chhiat nasat thu leh sorkar hotute chu eirukna lakah an fihlim lo nia sawiin, mipui ham\hatna tur ngaihthahah sorkar chu a puh a. MNF MDC, Pu H. Amaresh Chakma, MNF District Hqrs. Gen. Secretary, Pu Doyal Chandra Dewan leh Durjya Dhan Chakma leh District MNYF President, Pu Molin Kumar Chakma-in thu an sawi bawk.

Kawng an zawh tawpah Kamalanagar MNF District Hqrs chuan Larsap leh Lawngtlai Bawhrhsap hnenah memorandum thehlut-in, CADC hnuaia hnathawkte hlawh pek thuai te, sorkar laipui \anpuinaa hmasawnna hna hrang hrang thawh \hin chu fel zawka thawh te, Borapansury leh Longpuighat-ah Aadhaar Card Registration Centre leh SBI Branch hawn te, Chhumkum leh Chawngte kawng leh Diltlang leh Chawngte kawng chu a hun taka siam zawh leh Kamalanagar leh Lawngpuighat inkawr kawnga lei min leh lei chhia siam \hat an phut thute an sawi a ni.