Kawrthah rama kuhva huan thlama thia chhar, Pu Hmingchungnunga leh a nupui, Pi Roziki thattu na rinhlelh- an fapa, Lalnunmawia

0
690
views

Mamit District-a Kawrthah rama kuhva huan thlama Inrinni kaltaa thia chhar, Pu Hmingchungnunga leh a nupui, Pi Roziki chu an fapa, Lalnunmawia, kum 31 mi thah nia hriat a ni. ZONET zawhna chhangin Mamit District Police hotute chuan an fapa, Lalnunmawia hian Police-te zawhna chhangin a nu leh pa chu a thah niin a sawi a, Lalnunmawia hi Police-te chuan Bawngkawn Police Station-ah lain thu an zawt fiah a, a inpuan hnuah Kawrthah Police Station panin tukin khan an hruai thla ta nia thu dawn a ni a, IPC Section 302 hmangin tualthah thubuai an siamsak mek nia thu dawn a ni.

Hachhek Constituency Development Committee (HCDC) chuan Kawrthah leh Tumpanglui inkar, Kawrthah a\anga Km 2 vel leka Ramhlun South Veng mi, Pu Hmingchungnunga leh a nupui, Pi Roziki, rapthlak taka thah an ni chu pawi an tih thu sawiin, hetiang thil hi tun hnuah thleng tawh lo se an duh thu leh, tualthattu chhui kawngah an theih ang anga Police-te \anpui an inhuam thu sawiin, tualthattu chu chhui chhuaka a phu tawka hrem ngei turin thuneitute an ngen a ni.