Khawthlangtuipui chim chin hi a san belh zel avangin nizan a\ang khan YMA, Tlabung Branch member \henkhat chu tuilian tuarte chhawmdawl turin an thawkchhuak \an a, tuilian hian tukin dar 8 vel a\ang khan Tlabung khaw chhunga chenna in chim \anin, Venghluna chhungkaw 9-te chuan an in an rauhsan a ni.
Tui hian len lam a pan zel rih avang leh khaw awmdan ena ruah la sur zel tura a lan avangin tuna la inthiar chhuak ve lo chhungkaw 7 vel chu hmun him lam pan mai thei turin an inralring tawh tih Tlabunga ZONET Reporter chuan a sawi a, hetihlai hian tuilian tuar nasa ber khua Tippereghat-ah chuan tuilianin chenna in 15 chuang a chim tawh bakah leilet leh tuipui kam huan \hahnem tak a chim tawh bawk a ni.
Tun dinhmunah darkar tinin, feet chanve tling lo deuh zelin tui chim chin a san belh a, khuain \hat lam a pan lova tuiin len lam a pan zel a nih chuan chenna in 40 chuang vel chu tui chim mai hlauhthawnawmin a awm mek tih YMA, Tlabung branch hruaitute chuan an sawi.
