Kim Jong Nam-a thattua puh hmeichhe pahnihten thiam thu sawi

0
714
views

North Korea hruaitu lu, Kim Jong Un-a unaupa, Kim Jong Nam-a thattua puh, hmeichhe pahnih chu Malaysia khawpui, Kuala Lumpur-a Shah Alam High Court-ah an thubuai ngaihtuah a ni a, thiam lohna an nei lo niin an sawi. Court-ah hian Indonesia mi, Sitio Aisyah leh Vietnam mi, Doan Thi Huong-te hi tualthaha puh an thu chhiar chhuah a ni a, \awng lettuten an lehlinsak hnuah an thiam thu hi an sawi a ni. Puan tawh angin, February ni 13-a Kuala Lumpur \umhmuna Kim Jong Nam-a thah a nih hnu lawk khan hmeichhe pahnih hi rinhlelh thilah man an ni a, tur hlauhawm, VX nerve agent hmanga Kim Jong Nam-a thata puh an ni a, he thilah Kim Jong Nam-a hi an hre ngai lo nia an sawi bakah, TV-a fiamthu ennawm chhuah tur a tel tur angin mi dangin an bum nia sawiin, Kim-a hi an that dawn a ni tih pawh an inhre lo niin an sawi.