Kisan Kalyan Karyashala scheme bawhzui dan tur inhrilhfiah

0
549
views

Prime Minister, Pu Narendra Modi-a ruahman anga kum 2022-a ramchhunga kuthnathawktute sum lakluh a leta tihpun a nih theihna tur, Kisan Kalyan Karyashala scheme bawhzui dan tur chungchang nimin khan Tipa RD Block huam chhunga mite hrilhfiah an ni. He scheme inhrilhfiahna hi Tipa Block Agricultural Technology Management Agency huaihawta Tipa V MTP Hall-ah neih a ni a, hetah hian MADC-a Executive Member Agriculture changtu, Pu KH Beihlo chuan thusawiin sorkar a\anga \anpuina awm thei te hmang \angkaia, tam zawk thawh chhuah tum turin kuthnathawktu kalkhawmte a fuih a ni. He inkhawmah hian Khopai, Zawngling, Siatlai leh Tipa a\angin kuthnathawktu mi 242 an tel a, KVK a\anga Scientist, ran Doctor leh Agriculture Deptt. mithiamten zirtirna pe-in, an thil hriat duhte an hrilhfiah a ni. He inkhawmah hian Tipa RD Block-a loneitu ti \ha zual 10 thlanchhuahte hnenah chawimawina Certificate leh Rs.2,000/- pek an ni bawk.