Korea ram leh a chhehvela buaina thleng mek avangin South Korea rama neih tur, 2018 Winter Olympics-ah France, Germany leh Austria tel hreh

0
345
views

Korea ram leh a chhehvela buaina thleng mek avang hian France Sports Minister, Laura Flessel chuan nakkuma South Korea rama neih tur, 2018 Winter Olympics-a tel an hreh thu a sawi a, Austria leh Germany pawhin France ngaihdan hi \awmpuiin, North Korea chet dan avanga Korea ram leh a chhehvel him tawk lo-a an ngaih avangin tel ve loh mai pawh an hnial lo nia hriat a ni a, Austria-a Olympic committee hruaitu, Karl Stoss-a chuan North Korea avanga buaina hi a punlun zel a, an ram infiam mite an him dawn tih chiang taka nemngheh theih a nih loh chuan South Korea ramah hian an kal loh tur thu a sawi a, Germany Interior Ministry chuan South Korea-a Germany team an kal dawn leh dawn loh chungchangah hian sorkar, National Olympic Committee leh thuneitute dangten a hunah thutlukna an la siam dawn niin a sawi. International Olympic Committee chuan thlasik Olympic intihsiaknaa tel tur hian ram hrang hrangte chu sawmin, infiam mite himna chu an thil ngaih pawimawh ber a ni tih leh, hemi chungchang hi sorkar thuneitute leh United Nations pawh vawi tam tak an lo sawipui tawh thu a sawi a, Korea ram leh a chhehvela thil thleng pawh ngun takin an vil reng niin an sawi a ni.