KTP General Conference neihna tur pandal sak lai thliin chhem thlu

0
1208
views

K|P General Conference vawi 57-na, kumthar March ni 1 a\anga ni 4 thlenga West Phailenga neihna tur Pandal, GSA khelmuala sak lai chu nizan dar 10:30 vel khan thli tlehin a chhem thlu. West Phaileng K|P hruaitute hnen a\anga ZONET thu dawn danin, Pandal chim lai hian a chhungah tumah an awm loh avangin thi leh hliam an awm lova, he Pandal hi a zauhna tel lovin a chung chih zawh tawh, a bang la pin loh a ni a, a chhem thlutu thli hi thlipui thawk ang em-in na lo mah se, thli tleh naran aia na deuh niin an sawi. He pandal sak lai hi mi 8,000 leng thei tura duan a ni a, pandal tluk thu hi Aizawla Synod hotute pawh hriattir nghal an ni a, Executive Secretary, Rev. PC Pachhunga leh Engineer-ten West Phaileng hi pan nghalin, thil awm dan an en fiah a, vawiin vek khan khawtlang huapa hnatlangin pandal tlu hi \hiah nghal a ni a, mi 1,125 an hnatlang a, chhun dar 12:30 vel khan an \hiat zo hman a, a sakna bungruate pawh an dah khawm fel leh tawh a ni. Pandal sakna atana hman, thir pipe leh bante leh a kilhna chhia engemawzat a awm a, hmang leh thei tur chuan hengte hi siam \hat phawt a ngai dawn a ni. K|P General Conference neihna tur Pandal sak \hat leh dan tur hi vawiin khan ngaihtuah nghal a ni a, Central YMA Pandal ruhrel hawhin January chawlhkar hmasa ber a\anga sak \hat leh a, rang taka zo thei tura \an lak zui ni se an ti a ni.