Kum 2002-a Gujarat-a buaina chhuaka thi zing ami, Congress MP hlui Ehsan Jafri-a nupui, Zakia Jafri-in Gujarat High Court thutlukna a lo siam tawh a khin letna chu Supreme Court-in vawiin khan a ngaihtuah a, kum thar lama ngaihtuah chhunzawm turin a titawp lailawk rih.

Puan tawh angin Gujarat buaina chhuakah khan khatih hunlaia Chief Minister, Narendra Modi leh politican dang eng emaw zat chu inrawlhna nei leh buaina lian zawk chawh chhuah tumin an phiarru niin Jafri hian a sawi a, hemi chhui chiang tur leh Modi-a’n inrawlhna a nei lo nia Supreme Court Special Investigation Team-in a lo sawi tawh chu sut dilin Gujarat High Court-ah ngenna a thehlut a, mahse Court chuan a pawm sak ta lo a ni. Jafri hian kum 2014 pawh khan Special Investigation Team-in Modi-a’n buaina chhuak thunun tumin hma a la ngei a ni tia a sawi chu a lo khing let tawh bawk a ni.