Kum 21 mi, Israel hmeichhia, Aiia Maasarwe, Australia-a lehkha zirlai chu a unaunu nena an inbiak laiin thah a ni.

0
595
views

Melbourne-a LaTrobe University-a exchange programme-a lehkha zir mek Maasarwe hian rel in a haw a, a unaunu nen phoneah an inbia a, phone a thlauh ri leh midang aw a hriat avangin a unaunu chu ngaihthalo chuan, police hnenah a hriattir a, a tuk zingah a ruang hi Melbourne University campus bulah chhar a ni ta a ni. A ruang bulah hian Baseball lukhum dum leh t-shirt buang chhar a ni a, tualthattu ta a nih rin a ni. Maasarwe chhungte chuan Australia an pan mek a, Australia chu hmun hima an ngaih \hin thu leh he thil thleng hi mak an tih thu an sawi. Australia police chuan thil thleng hi pawi an tih thu leh tualthattu chu man thuai an inbeisei thu a sawi. Aiia Maasarwe hian a zirlai a zawh hnuah China-a a pa bula kal a tum a ni.