Kum thar lama Lok Sabha inthlan lo awm tura Bihar seat an insem dan tur chungchanga BJP rawtna JD(U)in a hnawl.

BJP-in a ruahman dan chuan Bihar-a seat awm zawng zawng 40 zinga 20 an chang ang a, Nitish Kumar-a kaihhruai JD(U)-in 12 a chan laiin, Ram Vilas Paswan-an seat 6 leh Upendra Kushwaha-an seat 2 an chang dawn a ni. He ruahmanna hi JD(U) lam chuan awm ang lo an ti hle a, BJP ngei pawhin pawm tlaka an ngaih an rin loh thu an sawi a, an party pahnihin seat 17 ve ve an insem hnuah, Ram Vilas Paswan-a’n seat 6 chang se an duh zawk thu leh an thawhpui zingah Upendra Kushwaha chhiar tel a ngaih loh thu an sawi bawk a, Upendra hian Yadav hnam leh Kushwaha hnamte a biak \hat ve ve vangin an \anrual pui theih an rin loh thu an sawi bawk a ni. BJP hruaitu hlun Bhupendra Yadav chuan an ruahmanna hi thu tawp a la nih loh thu a sawi ve bawk a ni.