Kumin February ni 13 a Sesawng leh Khawruhlian inkar Tuirini lei dawh lai chimchhan chu thil tih dan phung pangngai lo anga thil tih leh kalphung pangngai ngaihthahna tlem a awm vang a nia, lei dawh lai mihringin an zawh loh nan a danna pawh siam a nilo a, hengte vang hian lei dawhtu zinga a hotu ber lakah thubuai siam turin sorkarin hma a la mek.

He mi chungchanga vawiina Sorkar thuchhuah tarlan danin lei chim chhan chhuinaah hian Aizawl Bawrhsap hmangin Magisterial Inquiry lak a nih bakah an Department chhung lam a\angin Internal Departmental Inquiry pawh lak a nia, he thil thleng chungchang hi mithiam enfiah tir a ngaih avangin Guahati a Indian Institute of Technology (IIT) a mithiamte pawh a hmunah thil awmdan enfiah tir a ni. Sorkar thuchhuah chuan Magisterial Inquiry Report hi kumin May thla khan Sorkar-ah thehluh a nih thute, IIT Guahati a mithiamte Report chu kumin July thla khan dawn a nih thute, Report hi tih dan phung pangngaiin a enkawltu leh mawhphurtu Officer hnenah thawna, insawifiah tir phawt a nih thute, a insawifiahna chu kumin August ni 3 khan dawn a nih thute, a insawifiahna chungchangah a chunga Officer ngaihdan lakna chu tunthla ni 17 khan hmuh a nih thute tarlan a nia, Inquiry Report hi PWD Minister-in a tikhawtlai lova, hupbo pawh a tumlo tih sorkar thuchhuah chuan a tarlang a ni.