Kyrgystan khawpui Bishkek-a Sanghai Cooperation Organisation summit ah Prime Minister Narendra Modi-a’n firfiaka che \anpuitu ram te chuan a mawh an phur ngei tur a ni a ti a, hei hi Pakistan a sawi chhan nia ngaih a ni.

0
443
views

SCO in firfiaka chetna do tura chak zawka hma a lak a \ul tih Prime Minister hian sawiin khawvel ram hrang hrangte inhmuhkhawm kova hemi kawngah hian nasa leh zuala \anho a ngai a ni a ti a, ram hrang hrang te pen chhuaka hma an lak a \ul tih a sawi. Summit-a thu a sawi lai hian Pakistan Prime Minister Imran Khan pawh a awm ve a ni.

PM Modi hi Bishkek ah hian nimin han a thleng a, ni hnih awh tur SCO Summit hi China kaihhruai ram hrang hrang 8 te telna a ni a, India leh Pakistan te chu kum 2017 ah khan he pawlah hian lakluh an ni.

China President Xi Jinping nen an inkawmnaah PM Modi hian Pakistan nena inbiak \an hmain mifirfiakte lakah Pakistan in khauh zawkin hma a la tur a ni tih chu India ngaihdan dinglai a nih thu a hrilh a, Pakistan chu mifirfiak te thlauhthla hmasa turin India in a phut a, tun dinhmunah chuan hmalakna mumal a la awm lo tih PM hian a sawi.

Intawhkhawmna ni 2 chhung neih turah hian PM Modi leh Pakistan PM Imran Khan te inbiak hun tur ruahmanna a awm lo ni. February ni 14-a Jammu and Kashmir Pulwama-a mifirfiakten india sipai 40 an thah hnuah India leh Pakistan inkar boruak a \ha lo zual a ni.