Kyrgyzstan khawpui Bishkek-a Shanghai Cooperation Organisation, SCO khawmpui neih mekah PM Narendra Modi-a’n thu a sawi a, a firfiaka chetna do kawngah chak zawka hna thawh a \ul thu uar takin a sawi.

Modi hian a firfiaka che \hinte sahimna pek chu tihtawp a \ul hle tawh thu leh, heng mite hian ramri kânin pawi an khawih \hin tih a sawi bawk a, hei hi Pakistan a sawina a ni. Modi chuan a firfiaka che \hinte tharuma do a ngaih bakah, internet kaltlanga ngaihdan kal filawr tak tak thehdarh ven te, pawikhawihtu inhlan tawn te, chhiatrupna thlen thei ralthuam tam ta lutuk te leh ralthuam in ngah siak te chu beihlet a ngaih thu te leh hemi kawnga ram hrang hrangte an inthurual a \ul thu a sawi bawk a ni. SCO hi China kaihhruai ram pariat intelkhawm a ni a, sumdawnna leh venhimna kawnga thawkho turin an inrem a ni. SCO-ah hian China, Kazakhstan, Kyrgyzstan, Tajikistan, Uzbekistan leh Russia te an tel sa a, um 2017 a\ang khan India leh Pakistan ram te an tel ve leh a ni.