Lai Autonomous District Council-a hnathawktuten vawiin khan an Council Secretariat Complex-ah kum 2019 atana Pathian hnena inhlantharna a huhovin an nei.

0
90
views

He inkhawm hi Deputy Secretary, Pu LZ Tluanga’n a kaihhruai a, hetah hian kum 2018 chhunga District Council hnathawk thi mi 4 sun an ni a, sunna inkhawmah hian thi ta chhungte an tuarpui thu leh Pathianin awmpui zel se an duh thu inkhawm kaihhruaitu Pu LZ Tluanga chuan a sawi a ni. LADC Chief Executive Member, Pu T. Zakunga chuan hnathawktute chu kum 2019 atana duhsakna hlanin \hahnemngai leh inpe zo taka an hna thawk chhunzawm turin a ngen a, Pisa kai hun dik taka Pisaia, ban hun dik taka bang turin a fuih a ni. CEM chuan tun dinhmunah Pay Commission 7-na ruahmanna siam anga Lai Autonomous District Council hnathawktute hlawh pek la ni rih lo mah se, Mizoram sorkara Finance Deptt. chuan kum 2018 September ni 1 a\anga 7th Pay hi hmang thei turin nikum December ni 20 khan thupek a chhuah tawh tih a tarlang a ni. CEM chuan District Council hnathawktu hrang hrangte chu lungrual tak leh inpe zo taka ram leh hnam tana hnathawk turin a fuih a ni.

He inhlantharna inkhawmah hian hian Lairam Isua Krista Baptist Kohhran General Secretary, Rev. C. Hrangzuala’n hunserh a hmang a, he inkhawmah hian Pathian hnena lawmthu sawiin kum 2019-a a kaihhruaina dawng turin an \awng\airual bawk a ni.