Lawngtlaia DC Conference Hall-ah Drug Awareness Programme neih a ni

0
1026
views

Lawngtlaia damdawi zuar ten dan anga dik taka damdawi an hralh chhuah theih nan vawiin khan an thil hriat tur hrilh hriat an ni. He Drug Awareness Programme, Lawngtlai DC Conference Hall-a neih kaihruaitu, Chief Medical Officer, Dr. Thani Pachuau chuan damdawi chu thil pawimawh, mihringte damna tura siam nimahsela hman saul theih a nih avangin danin a huam chin zela zawrh tul thu a sawi a, sawrkar chuan mirethei berte pawhin an lei theih nan damdawi tha leh man tlawm zawrhna a siam tih a sawi bawk. He inkhawma thu sawitu, Additional DC Pu H. Dolianbuaia chuan damdawi zuartute chu sumdawng ni mahsela mahni hlawkna ringawt um lova, dan tha taka zawm tur an nih thute, thalai tam tak ruih theihna damdawi lei duh an awm vanga fimkhur a tul thute a sawi a, mahni eizawnna leh hna thawha rinawm chu Pathian thu awihna a ni tih hre turin damdawi zuarte chu a fuih bawk a ni. He beihpui thlakah hian Lawngtlai District chhunga damdawi zuartute chu Deputy Director, Food & Drugs, Southern Zone Pu Lalsandama leh Asst Director Pu K.Lalngilneia ten a lem nena entirin zirtirna an pe a, Scheduled H1 Drugs zingah te, Antibiotics leh TB damdawi thenkhatah te ruihna atana hman sual theih a awm thute, Schedule H1 hnuaia awm damdawite chu a hranpa a Stock Register siam a, Doctor Prescription pek ang chiah a hralh chhuah theih anih thute an sawi a ni. Lawngtlai District-ah hian Drug licence nei mi 40 leh General Licence nei mi 5 an awm a ni.