Leiminin mi pakhat chhilh hlum

0
791
views

Champhai District-a Khawkawn khaw mi, Saizasanga, kum 20 chu vawiin tlai dar 3 vel khan Aizawl Dawrpui Vengthara a hnathawhnaah lei minin a chhilh hlum. Dawrpui Vengthar khawtlang hruaitute hnen a\anga Zonet thu dawn danin, Saizasanga leh a \hiante 3 hi mi in hmun laiin an inhlawh a, tlai dar 3 vel khan an in hmun laih lai kawng ko hi a rawn min a, mi dang zawng an insaseng hman laiin Saizasanga hi leimin hian a chhilh ta a ni. A ruang hi Dawrpui Vengthar khawtlangin an la chhuak a, tuna a chenna, Aizawl Edenthar veng khawtlang hruaitute chu thil awm dan hriattir nghal an ni a, vanduaina thlennna hmun hi Vaivakawn Police-in a hmunah enfiahin, thil \ul pawimawhte an tifel nghal a ni. Saizasanga hi Republic Higer Secondary School-a pawl 12 zirlai a ni a, Edenthar vengah hian mi in luahin an khawsa mek a ni.