PM Narendra Modi chuan West Bengal-a Bankura leh Purulia-ah leh Uttar Pradesh-a Purvanchal bialah vantlang inkhawm a huaihawt a, West Bengal leh Uttar Pradesh mipui te’n BJP party an thlawp avangin lawmthu a sawi a, Mamata Banerjee-i’n ben harh a duh thu a sawi chungchangah mi vbc 130 te duhsakna a dawn mek avangin Mamata-i thinrimna chuan a ti lungngai lo tih a sawi a, Mamata chu ram rorelna kalphung zah lovah puhin Mamata hian amah chu PM atan a pawm loh thu leh Pakistan PM chu pawm a huam zawk thu sawiah a puh bawk a ni.
Congress President Rahul Gandhi chuan Delhi-a Ramila Maidan-ah mipui hmaah thu a sawi a, Priyanka Gandhi Vadra chuan Uttar Pradesh-a Pratapgarh, Jaunpur leh Sultanpur-ah vantlang inkhawm a huaihawt bawk a ni. Rahul Gandhi chuan PM Modi-a’n a pa Rajiv Gandhi bei zawnga thu a sawi chungchangah Rafale chungchang sawifiah phawt turin a phut a ni.
