Lok Sabha inthlan vote thlak thawh 6-naa West Bengal-a buaina a thlen hnuah Election Commission-in Bankura District Magistrate Uma Shankar a sawn.

0
67
views

West Bengal-ah hian Trinamool Congress leh BJP worker te innawrnaah buaina a thleng nual a, Bankura bial-a BJP cnadidate chuan polling booth bula pawl pahnih mi leh sa te intihbuainaah BJP worker chu na taka hliam a nih thu a sawi a, a dinhmun a \ha lovin a dam chhuah a beiseiawm lo a ni a ti. Bankura bial-ah hian BJP Candidate Subhash Sarkar chu Trinamool Congress candidate Subrata Mukherjee nen an inkhing a ni.

Union Minister Babul Supriyo chuan BJP candidate Sayantan Basu \awiawma vantlang inkhawm a huaihawt zawhah Basirhat-a Trinamool Congress worker ten a motor chuanna an beih thu a sawi a, Ghatal bial-a BJP candidate Bharati Ghosh chuan polling stationah amah chu ti buaiin an nem thlu niin a sawi a, a sahimna zawngin Temple pakhatah a tlanlut niin a sawi. Inrinni khan Jhagram district-ah BJP worker ruang chhar a ni bawk.

Heng buaina thlen hnua Uma Shankar laka thubuai thehluh a nih hnuah Election Commission chuan sawn nghal turin thupek a chhuah a, a ai awh turin IAS officer Mukta Arya an ruat nghal a ni.