Thawh 7-naah hian state 7-a bial 59, Uttar Pradesh leh Punjab-a bial 13 ve ve, West Bengal-a bial 9, Bihar leh Madhya Pradesh-a bial 8 ve ve, Himachal Pradesh-a bial 4, Jharkhand-a bial 3 leh Chandigarh-a bial 1-ah te vote thlak a ni dawn a ni.
Thawh tawp bernaah hian candidate 111 an awm a, mipui vbc 1 nuai 49 chuangin polling booth 17,000-ah vote an thlak dawn a, vote thlak hun hi zing dar 7 a\ang tlai dar 6 thleng hawn a ni ang. PM Narendra Modi, Union Minister Manoj Sinha, Ravi Shankr Prasad, Harsimrat Kaur Badal leh Hardeep Singh Puri te, BJP candidate Kirron Kher, Sunny Deol leh Ravi Kishan te, Shiromani Akali Dal candidate Sukhbir Badal, Congress candidate Meira Kumar leh Shatrughan Sinha leh Jharkhand Mukti Morcha candidate Shibu Soren te chu thawh 7-naa candidate langsar zual leh mipui ngaihven hlawh te an ni.
Election Commission chuan inthlan tluang tak leh ralmuang tak neih a nih theih nan hma lain sipai leh police te inthlanna tur state-ah te a thawnchhuak a, Lok Sabha inthlan leh Odisha, Andhra Pradesh, Arunachal Pradesh leh Sikkim- Assembly inthlan-a vote tla te hi Ningani khian chhiar a ni dawn a ni.
