Lok Sabha inthlan vote thlak thawh hnunung ber, Pathianni-a neih turah hun tlemte la awmah political party hruaitute ngawrh takin an campaign zel.

0
37
views

PM Modi chuan Bihar-a Paliganj, Jharkhand-a Deoghar leh West Bengal-a Basirhat leh Diamond Harbour-ah vantlang inkhawm a huaihawt a, Amit Shah chu Madhya Pradesh-a Dhar leh Alirajpur-ah a campaign a, a hma ni-a Kolkatta-a road show a huaihawtah tharum thawh zawnga buaina chhuak chungchangah press conference a ko bawk a ni. Sushma Swaraj, Yogi Adityanath leh Manoj Tiwari te chu Uttar Pradesh-ah an campaign bawk a ni.

Congress President Rahul Gandhi chuan Punjab-a Faridkot leh Ludhiana-ah vantlang inkhawm a huaihawt a, hetah hian Chief Minister Captain Amarinder Singh-a’n a \awiawm a ni. Party Genreal Secretary Priyanka Gandhi Vadra chuan Varanasi-ah roadshow a huaihawt a, Uttar Pradesh-a Salempur-ah vantlang inkhawm a huaihawt bawk a ni. Samajwadi party, BSP leh RLD \angho chuan Uttar Pradesh-a Mau leh Deoria-ah campaign beihpui an thlak bawk a ni. Thawh 7-naah hian state 7 leh Union Territory 1-a bial 59-ah Pathianni khian mipuiten vote an thlak dawn a, ram puma vote tla te hi karleh Ningani khian a ruala chhiar a ni ang.