Lok Sabha inthlanah NDA in hnehna changin Narendra Modi kaihhruai sorkar a ding nawn leh dawn.

0
534
views

Seat 542 awmah BJP kaihhruai NDA hian seat 340 chuang a la tawh a, 2014 aiin an tla hniam hret dawn niin a lang a, hetihlai hian BJP party mal bik chu kum 2014 aiin a che \ha zawk a, party malin seat 290 chuang an la tawh a, sorkar siam thei tura hmuh ngai zat 272 chu BJP hian party malin a khum tawh a, 2014 inthlanpui-a seat an lak zat pawh 10 chuangin an khum tawh a ni.

Hetihlai hian Congress leh a thawhpui UP chuan Seat 90 chuang la in, 2014 chu an khum a, Congress party chuan a mal in seat 60 vel a la dawn a, hei hi 2014-a an lak ai chuan a tam zawk dawn a ni.

BJP leh a thawhpui NDA-a tel te zingah Siv Sena in seat 18 a la a, JDU in seat 15, LJP in seat 6, a la a, AIDMK erawh an tlahniam nasa hle a, 2014-a seat 36 la theiin tunah hian seat 3 chiah a la thei a ni.

Congress leh a thawhpui, UPA-a tel party te zingah Chennai-a hmunpui nei MK Stalin-a party DMK an che \ha hle a, seat 22 zet an la phak a, NCP in seat 5 an hauh leh bawk.

Zawl bik nei lo, Teleangana-a hmunpui nei, YSR Congress Party, Jaganmohan Reddy-a kaihhruai in seat 25 zet lain 2014 aiin seat 16 in hma an sawn a, West Bengal-a hmunpuinei Mamata Banerjee-i kaihhruai TMC erawh an che \ha lo hle a, seat 22 la in 11 an hloh a, BJD pawhin seat 14 la mahse 2014 nena khaikhinin seat 6 an hloh a ni.

Kar 6 chhung inthlan neih a nih hnuah vote tla te hi ram pumah zing dar 8 a\ang khan chhiar \an a ni a, Assembly bial tina VVPAT panga zel endik tur chu a tawp lama tih tura dah a nih avangin vote chhiar a chak hle a ni.