Mizoram tana a theihna sang ber hlan tura he inthlan hi hmachhawn a ni, a ti.
Pu Lalnghinglova Hmar hian vawiin khan Lok Sabha inthlan chuh turin he inthlanna neih tura Returning Officer, Aizawl District Election Officer nibawk, Pu Vanlalngaihsaka hnenah lehkha pawimawh hrang hrang a thehlut a, hetah hian Congress leh ZPM Party hotuten an \awimawm a ni. Nomination Paper a thehluh hmaa thuthar lakhawmtute zawhna chhangin Pu Lalnghinglova Hmar chuan, candidate dangte aia a \hat zawkna awm lo mah se, \halai zawk, tha chak zawk leh theihna zawng zawnga ram tana inpe tur a nih avangin mipuiten an vote ngei a beisei tih sawiin, thlan tlin a nih chuan Mizo mipuite duh loh em em Citizenship Amendment Bill chu theihtawp chhuaha dodal a tum thu te, Mizoram leh Sorkar laipui inthlunzawmna \ha zawk siam te, MP awmsa piah lama Mizoram tana sum tam zawk hai chhuah a tum tur thu sawiin, Look East Policy chu Mizoram ei leh bara intodelh theihna tur a nih avangin a hlawhtlin tura na zawka nawr chu a ngaih pawimawh tur thu leh thalaite tana kawng kawhhmuh a, eizawnna ngelnghet an neih theih nana \anlakpui te, kut hnathawktuten an thawhrimna rah an tel theih nana theihtawp chhuahpui chu a thil langsar a ni tih a sawi.
