Lok Sabha inthlanpuia a thawhpui Akhilesh Yadav-a party Samajwadi nen an chet \hat loh avangin an thawhdunna hi titawpin bye election hi a mala chuh a tum tih a sawi a, Politics inlumlet dan chu an enliam mai a remchang lo tih Mayawati hian a sawi a, hetihrual hian an thawh dunna chu a tawp hlen ta tihna erawh a ni lo tih a sawi thung.
Hetihlai hian Akhilesh Yadav chuan bye election neih turah hian an party chuan seat 11 hi chuh vek a tum tih a sawi bawk a, Mayawati nena an thawhdunna chu tihtawp a nih chuan party mala an chuh ve mai tur thu a sawi a ni.
Mayawati hian an thawhdunna hlawhtlin loh chhanah Samajwadi party te hi puh mawhin, an thawhdunna hi BSP chuan a hlawkpui lo a ni a ti a, an candidate \ha zual te pawh an tlin zawh loh avangin ngaihtuahna an sen a \ul ta tih a sawi.
Mayawati leh Akhilesh Yadav-a te \angdun, mahagathbandhan tia sawi hi inthlan dawnin a thawm lian viau mahse Lok Sabha inthlan zawhfel takah khan an che \ha lo hle a, Uttar Pradesh seat 80 awmnaah 15 bak an la phak lo a ni.
