Lok Sabha leh State Assembly inthlan zawng zawngah VVPAT hmang tawh dawn

0
695
views

Election Commission-in Lok Sabha leh state Assembly inthlan zawng zawngah vote thlakna khawl chu Voter Verifiable Paper Audit Trail khawl nena hman kawp vek tawh tur a ni tih a sawi. Tun kar tir lam khan state hrang hrang Chief Electoral Officer-te chu EC hian vote thlakna khawl zawng zawng, VVPAT nena thlun zawm vek tawh tur a ni tih a hrilh a, kumin March thla khan khatih laia Chief Election Commissioner, Nasim Zaidi-a chuan political party hrang hrangte chu VVPAT hman tum a nih thu hi a lo hriattir lawk tawh a, Law Ministry chuan kum 2015 khan VVPAT khawl 67,000 a chah belh thu leh 33,500 chu a hmanna tura thawn a nih tawh thu a sawi a, kumin kum tawp lama neih tur, Gujarat leh Himachal Pradesh Assembly inthlana hman atan VVPAT khawl 30,000 dang chah belh mek a ni a, kum 2019 Lok Sabha inthlan atan VVPAT khawl 16,15,000 dang mamawh belh a la ni dawn bawk a ni.