London bomb puak ISIS-in an tihah chhal

0
826
views

Nimina London lei hnuai rela bomb puak kha ISIS mi firfiakten an tihah an chhal avangin UK pumpuiah a firfiaka chetna laka inralrinna chhuah a ni. Puan tawh angin nimin khan Parsons Green station-ah bomb a puah hnuah kangmei a chhuak a, mi 29 an hliam a, a tam zawk chu kang hliam an ni. Police-te chuan he bomb hi tualchher a nih thu leh a siamtu-in a ruahman anga a puah loh avangin chhiatna nasa zawk a thleng lo niin an sawi a, pawi khawihtu an la zawng mek tih an sawi bawk. British PM, Theresa May chuan hlauhawm tehnaa a sang ber puan a nih avangin khawlaiah silai keng police leh sipaite tirh chhuah an nih thu leh a firfiaka chetna thleng thei reng dinhmunah an ding tih a sawi.