Lungawi lohna lantira Kolkata khawpuia kawng zawhtu BJP worker te leh Police te innawr buainaah police ten tiangin mipui pungkhawm an vua.

0
503
views

BJP worker te hian Kolkata khawpui Lalbazar a\anga Police Headquarters thleng kawng zawh an tum a, Police te hian tiang an hman bakah mittui thlakna hlo te an hmang a, tui hmangin mipui pungkhawmte hnawhdarh tumin an phuh bawk.

Inrinni-a Bashirhat hmuna BJP worker pahnih thah an nih duh loh lantir nan kawng hi zawh a ni a, BJP leh Mamata Banerjee-i te inhruipawhna boruak \ang tak karah Police tam tak duty tir an ni a, BJP hian Pathianni khan ruang pahnih hi Kolkata panpui an tum a, hei hi police ten an lo dang tawh a ni.

Central sorkar chuan West Bengal boruak awmdan chu \ha lo a tih thu sawiin, state sorkar hnenah thurawn chi hrang hrang a pe a, Bengal Governor Kesari Nath Tripathi pawhin Prime Minister Narendra Modi leh home minister Amit Shah te hmuin West Bengal boruak hi a hrilhfiah tawh a ni. Hetihlai hian Chief Minister Mamata Banerjee-i chuan central sorkar chu intual vuakna chawk chhuak-a a sorkar namthluk tumah a puh thung.