Police te sawi danin bawnghnute siamchawp te hi Madhya Pradesh, Uttar Pradesh, Rajasthan, Delhi, Haryana leh Maharastra-ah te bawnghnute \ha chi angin an supply \hin a ni.
Bawnghnute lem siamchhuahna peng dang chu Morena District-a Amba khua leh Bhind District-a Lahar District-ah te hmuh chhuah a ni bawk.
STF Superindent of Police, Rajesh Bhadoria chuan bawnghnute lem siamchawp liter 10,000, a siamna hmanrua, Mawa kg 500 leh rubber a\anga siam paneer kg 200 an man tel tih a sawi a, tanker 20 leh pickup 11-ah bawnghnute lem leh a siamna hmanraw dang dahte chu man bawkin, thil tihfaina tuiril, tel leh glucose phut chi te pawh tam tham tak man a ni a ti bawk.
Bawnghnute lem an siam dan hi tel, thil tihfaina tui, rawng var leh glucose te chu chawlpawlhin bawnghnute tak zaa 30 vel an telh a ni. Hetiang chiah hian cottage cheese pawh an siam a, India ram hmun hrang hrangah an hralh chhuak \hin a ni.
An siamna hmunah hian litre 1 siam nan cheng 5 vel an hman laiin an hralh chhuahnaah chuan litre khat Rs 45 a\anga 50-in an pe a, cottage cheese chu Rs. 100 a\anga Rs. 150-in an pe chhuak a ni. He factory hi chhun zan zawmin chawl lova hnathawh tir reng a ni a, nitin liter nuai 2 vel a siam chhuak \hin a ni.
