Jitendra Soni hi Barwani bial BJP hruaitu a ni a, bazaar a\anga a haw lam chu mi 6 velin lo ti dingin kut an thlak a, rangkachak kg 30 vel bakah pawisa leh a motor chahbi an laksak a ni. He thil thlenna hi Madhya Pradesh BJP hruaitu Manoj Thackeray-a ruang hmuhna mual bul lawk a ni a, Police te sawi dan chuan a ruang bulah hian thisen lung hmuh a ni a, tualthattu nia rin, mi 30 vel thu zawhfiah mek an ni.
Thackeray hi kar khat chhunga Madhya Pradesh-a BJP hotu thah pahnihna a ni a, thawhlehni kalta khan kum 50 mi, Mandsaur BJP hotu, Prahlad Bandhwar chu kahhlum a lo ni tawh a ni.
State CM hlui Shivraj Singh Chouhan chuan heng BJP hotu te thihna hian Congress sorkar hnuaia dan leh thuneihna tlakchhiat zia a tilang niin a sawi a ni.
