Manafort leh Rick Gates-a te puhna thubuai hnawl

0
989
views

Nikuma US inthlanpuia Russia inrawlh chungchang chhuina kal zelah, US President Donald Trump-a campaign Manager hlui, Paul Manafort-a leh sumdawnna kawnga a thurualpui, Rick Gates-a chu thubuai eng emaw zat siamsak an nih hnuah nimin khan US District Court hmaah an inlan a, Manafort leh Gates hian thubuaia puh an nihna hi an hnar ve ve a ni. Special Counsel, Robert Mueller-a’n hemi chungchang a chhuinaah hian President Trump-a thurawn pe thintu, George Papadopoulos chuan tun thla ni 5 khan FBI hnenah thudik lo a hrilh tih a inpuang tih hriatchhuah a ni bawk a, Papadopoulos-a hian Trump-a leh Russia President Vladimir Putin-a chu inhmuh tir tumin a lo bei tawh tih leh, ram danga mi, Professor pakhat hnenah Trump-a elpui, Hillary Clinton-i hmingchhiatna chungchang a sawipui bawk a, court lehkha pawimawha a inziah dan atang chuan FBI hnenah hian dawt muhlum a sawi nia hriat a ni.