Manipur-a MLA pakhat, Yengkhom Surchandra-a chu MLA a nihna paih rawtna, state Assembly Speaker, Yumnan Khemchand-a hnenah thehluh a ni a, Surchandra-a hi kumin March ni 11 khan Congress ticket-in Kakching bialah thlan tlin a ni a, mahse hemi hnu, April ni 28 khan amah leh Congress MLA dang pathum chuan an party chhuahsanin rorel lai pawl, BJP an zawm a ni. Surchandra-a ban rawtna thehluttu hi Kakching biala mi, Moirangthem Chandrasekhar a ni a, Surchandra-a’n BJP a zawm ngei tih finfiahna lehkha pawimawhte leh thlalak-te pawh a thehlut tel nia sawi a ni a, Congress MLA zingah, Forest Minister, T Shyamkumar-a chu BJP zawmtu hmasa ber a ni a, state Congress President, TN Haokip-a sawi danin, Congress ticket-a thlan tlin, Shyamkumar-a hian MLA atana lak luh pawh a nih hmain BJP a zawm a ni.
Chanchin Thar Manipur MLA Yengkhom Surchandra nihna paih rawtna thehlut
