Meghalaya-a Huroi khaw mipuite’n nakkuma state Assembly inthlan boycott tum

Meghalaya-a East Jaintia Hills District-a khaw pakhat, Huroi mipuite chuan tun thlenga kawng tha an la neih loh avangin nakkuma state Assembly inthlan-ah tel loh an tum. Bangladesh ramri bula Huroi khawtlang hruaitu pawl, Dorbar executive committee thu khawmin hei hi an rel a, kawng tha an neih loh avanga an lungawi lohna lantir nan nakkum inthlana khaw mipuite’n vote an thlak loh tur thu hi East Jaintia Hills district Bawrhsap hnenah an thlen tawh a ni. Khawtlang hruaitu pakhat, Poly Pohlong-a sawi danin, Huroi-ah hian vote nei 800 vel an awm a, an thil ngiat pathum – Sonapur leh Borkhat chhuntu kawng siamthat, Rymbai, Borkhat leh Jalapur kal pawhna tur kawng siam phalna leh Huroi-a Health sub-centre, Primary Health Centre-a tihchangtlun chu sorkarin a tihhlawhtlin loh chuan an thil tum hi an kal tlangpui dawn a ni.