Meghalaya lungalhthei khur feet 320 zeta thuka tang mi 15 te chhanchhuak turin ni 16 zet beih a ni ta a, chanchin lawmawm lam hriattur erawh a la awm thei lo.

0
687
views

Navy lama tuilut thiam leh tui pump khawl lian phur truck lian te chuan East Jaintia Hills district-a lungalhthei khur awmna hmun hi an pan mek a, tui pump chhuahna khawl hmanlaite chu a tet lutuk avang leh puk chhunga tui tlin chin ti hniam khawpa tui a pump chhuah zawh loh avangin Thawh\anni a\ang tawh khan chhanchhuah hna thawh mek hi chawlhsan a lo ni tawh a. A hmuna chhanchhuah hna thawktu, tuilut thiamte chuan helmet pathum an hmuh chhuah bak hmasawnna an la nei lo a ni.

Aiforce thlawhna hmangin tui pump-na khawl lian 10 zet chu nizan khan Guwahati thlawhna \umhmun thlenpui a ni a, heng tui pump te hian East Jaintia Hillls District Headquarters thlenpui ni tawh mahse, mi 15 te tanna Lungalhthei khur awmna hi hmun kilkhawr tak a nih avangin engtianga phurh thlen tur nge tih thuneitute chuan an la buaipui mek a ni. Navy-a tuiluh thiam mi 15 te pawh Andra Pradesh Visakhapatnam a\anga thawk chhuakin, Puk awmna hi an pan mek bawk.

Chhanchhuah hna thawhna ah hian NDRF bakah Coal India lama mithiamte pawhin a hmunah an \hutchilh mek a ni.