Meghalaya-a Police Inspector hlui, Anjan Chakraborty chu mi bum vangin man a ni. Anjan hi Kolkata-a mi hrang hrang a bumna atangin pawisa tam tham tak a chhuhsak tawh tih East Khasi Hills SP Davis Marak chuan a sawi a, a kut atang hian mobile phone pahnih, pawisa fai eng emaw zat leh ID card lem pahnih an man tih a sawi bawk a, court hmaa an hruai tawh thu leh West Bengal police te kuta an hlan tawh thu a sawi bawk. Anjan Chakraborty hi Kolkata Police-a misual hnu chhuitu pawl hotu nia a insawi bakah hmun thenkhatah chuan CBI hnathawk anga insawi-in pawisa an pek loh chuan thubuai siamsakah te a vau thin tih thuneitute chuan an sawi a ni.
Chanchin Thar Meghalaya Police Inspector hlui mi bum vangin man
