Mexico ram president Andres Manuel Lopez Obrador-a’n US nena inremna an siam anga ramdang mi US-a pemlut turte dang turin President thlawhna hralhna a\anga sum tling khawm hman a ni ang a ti.

0
49
views

Central America a\anga US-a pemlut \hin te dang tura US in Mexico a nawrnaah US hian sum leh paia hrekah Mexico hi a vau a, inremna an siam angin Mexico hian pem lut \hin te dang turin hma a la dawn a ni. Press conference-a chanchinbumite zawhna chhangin Mexico President hian Mexico National Guard foce te Guatemala ramri-a duty tura tir turin sum an nei dawn tih a sawi a, he sum hi president thlawhna man to tak hralhna a\angin an nei thei dawn tih a sawi.

Lopex Obrador hian kum 2018-a a campaign laiin president thlawhna hi hralhin a hralhna sum chu mipuite mamawh atana hman a lo tiam tawh a, thlantlin anih chuan president thlawhna hmanga zin lova khualzin dangte nen thlawhna pangngaia zin ve mai a tum thu a lo sawi tawh a ni.

President thlawhna hi kum 2016-a lei a ni a, Boeing 787 Dreamliner Dollar maktaduai 150 man zet a ni. Mexico hian sorkar ta thlawhna dang 60 leh helicopter 70 pawh hralh a tum a ni.